U Łuhansku milicyja pryviedzienaja ŭ stan bajavoj hatoŭnaści, ujezdy ŭ horad pierakrytyja
Asabovy skład łuhanskaj milicyi znachodzicca ŭ stanie bajavoj hatoŭnaści, paviedamlaje adździeł pa suviaziach z hramadskaściu HU MUS Ukrainy ŭ Łuhanskaj vobłaści.
«Rabotnikami DAI pierakrytyja ŭsie padjezdy da Łuhanska», — havorycca ŭ paviedamleńni.
Tam padkreślili, što ŭ ciapierašni čas pravodziacca apieratyŭna-pošukavyja mierapryjemstvy pa vyśviatleńni asob, jakija majuć dačynieńnie da ździajśnieńnia pravaparušeńnia.
Jak paviedamlałasia, udzielniki prarasijskaha mitynhu ŭziali šturmam budynak upraŭleńnia SBU ŭ Łuhanskaj vobłaści, vybiŭšy dźviery, paśla čaho prabralisia na druhi pavierch i pačali łamać vokny.
Haradskaja prakuratura raspačała kryminalnuju vytvorčaść pa fakcie masavych biesparadkaŭ.
Paźniej milicyja paviedamiła, što mitynhoŭcy ŭ budynku USBU zavałodali zbrojaj.