Pad Homielem hruzavik z harełkaj sutyknuŭsia z rejsavym «Ikarusam»
U pryharadzie Homiela rejsavy aŭtobus « Ikarus» sutyknuŭsia z furaj, hružany harełkaj: 5 pasažyraŭ aŭtobusa źviarnulisia pa miedycynskuju dapamohu, paviedamili ŭ DAI UUS Homielskaha abłvykankama. U vyniku DTZ častka skryń z ałkaholem vypała na darohu.
Pavodle papiaredniaj infarmacyi, rejsavy aŭtobus « Ikarus» (maršrutam Homiel - Čaracianka) nie sastupiŭ darohu fury z paŭpryčepam, jakaja išła pa hałoŭnaj darozie. U vyniku DTZ pieciarym pasažyram aŭtobusa spatrebiłasia miedycynskaja dapamoha. U špitalizacyi jany nie mieli patreby. Ad sutyknieńnia bryzientavaje pokryva paŭpryčepa razarvałasia, i častka skryń z harełkaj vypała na darohu. Pamier strataŭ, pryčynienych pieravozčyku, vyśviatlajecca. Pa fakcie DTZ idzie pravierka.