Viadučaja «Panaramy» syšła na rasijski žoŭty telekanał LifeNews
Tamsama ŭładkavałasia i viadučaja navinaŭ na STB.
Skandalny rasijski partał LifeNews zajmieŭ svoj teleefir. Siarod jahonych viadučych błohier d-zholik znajšoŭ dźviuch biełarusak.
Viktoryja Jazierskaja da niadaŭniaha času była viadučaj «Navinaŭ» i «Panaramy» na «Biełaruś-1». U 2011-m jana skončyła ŭniviersitet kultury i mastactvaŭ pa śpiecyjalnaści «teatralnaja režysura». Staronka ź infarmacyjaj pra dziaŭčynu ŭžo źnikła z sajta Biełteleradyjokampanii.
Aproč taho, na LifeNews ciapier pracuje byłaja viadučaja navinaŭ «24 hadziny» na STB Alena Michałoŭskaja. Niekatory čas jana taksama pracavała na BT.