Вядучая «Панарамы» сышла на расійскі жоўты тэлеканал LifeNews
Тамсама ўладкавалася і вядучая навінаў на СТБ.
Скандальны расійскі партал LifeNews займеў свой тэлеэфір. Сярод ягоных вядучых блогер d-zholik знайшоў дзвюх беларусак.
Вікторыя Язерская да нядаўняга часу была вядучай «Навінаў» і «Панарамы» на «Беларусь-1». У 2011-м яна скончыла ўніверсітэт культуры і мастацтваў па спецыяльнасці «тэатральная рэжысура». Старонка з інфармацыяй пра дзяўчыну ўжо знікла з сайта Белтэлерадыёкампаніі.
Апроч таго, на LifeNews цяпер працуе былая вядучая навінаў «24 гадзіны» на СТБ Алена Міхалоўская. Некаторы час яна таксама працавала на БТ.