U ružanskim pałacy Sapiehaŭ vystavili mietearyt
Malunak zrobleny pavodle apisańnia vidavočcy. ufo-com.net
Muziej, jaki dziejničaje ŭ ružanskim Pałacavym kompleksie Sapiehaŭ, adkryŭsia tolki ŭ 2011. Ekspanataŭ u im nadzvyčaj mała, tamu kožny kaštoŭny.
Ekspazicyju zały historyi Ružanaŭ, jakaja znachodzicca ŭ adnym ź flihielaŭ pałaca, papoŭniŭ mietearyt. Jaho vaha 25 kh, pamieram z dva futbolnych miača.
U 1894 hodzie mietearyt bačyli ŭ niebie žychary Słonima, Ružanaŭ, Vaŭkavyska i Śvisłačy. Ale miesca padzieńnia jaho było tajamnicaj bolš za stahodździe.
Niadaŭna la miascovaj pravasłaŭnaj carkvy Śviatych Piatra i Paŭła, pabudavanaj u 1675 hodzie, daviałosia pierakładvać aharodžu. U jaje asnovie razam ź inšymi kamianiami lažaŭ mietearyt. Chutčej za ŭsio jon trapiŭ tudy paśla Druhoj suśvietnaj vajny, kali žychary źbirali kamiani ŭ vakolicach Ružanaŭ.