1 śniežnia ŭ Minsku adkryjuć novuju raźviazku na praśpiekcie Dziaržynskaha
1 śniežnia ŭ Minsku płanujecca adkryć ruch transpartu na vulicy Alibiehava na ŭčastku ad vulicy Siamaška da praśpiekta Haziety «Praŭda».
Adnačasova budzie ŭviedziena ŭ stroj i novaja raźviazka na praśpiekcie Dziaržynskaha. Pra heta paviedamiła ŭpraŭleńnie DAI HUUS Minharvykankama.
Da kanca hetaha tydnia tut pavinny pastavić adsutnyja darožnyja znaki i zarabić śviatłafory.
Pry spryjalnych umovach nadvorja na novaj vaśmipałosnaj darozie vykładuć čystavy płast pakryćcia.
Paśla ŭviadzieńnia ŭ stroj raźviazki i ŭčastka vulicy Alibiehava razhruziacca vulicy Bryla i Hurskaha, jakija časova na pieryjad darožnych rabot pryniali na siabie vialikuju transpartnuju nahruzku.