Kali? Hraboŭskamu zastajucca try šajby da sotni
nhl.com
U čarhovym matčy rehularnaha čempijanatu Nacyjanalnaj chakiejnaj lihi «Vašynhton» — novy kłub adzinaha sioleta biełarusa ŭ NCHŁ Michaiła Hraboŭskaha — sastupiŭ na svajoj «Vierajzan-Arenie» «Kałarada» — 1:5.
Hraboŭski siońnia ni zabivaŭ, ni addavaŭ halavych pieradačaŭ. Sioleta, z pačatku kastryčnika, na jaho rachunku ŭ piaci matčach - try šajby i dźvie halavyja pieradačy.
Usiaho za NCHŁaŭskuju karjeru, jakaja pačałasia ŭ 2006 h., Michaił zakinuŭ na placoŭkach Kanady i ZŠA 97 šajbaŭ.
Pačynaŭ karjeru ŭ «Manreali», dzie vystupaŭ dva siezony (2006—2007): try šajby i šeść pieradačaŭ.
Za piać siezonaŭ u «Taronta» Michaił zakinuŭ 91 šajbu i addaŭ 117 halavych pieradačaŭ.
Voś majem try šajby ŭ pieršym matčy za «Vašynhton», da adznaki ŭ 100 šajbaŭ zastalisia try hały.
Nastupnyja try matčy «Vašynhton» taksama praviadzie doma: 14 kastryčnika suprać «Edmantana», 16-ha — suprać «Rejndžers», 19-ha — suprać «Kałambusa».
Potym — vizit u Zachodniuju Kanadu i hulni z «Vinipieham», «Edmantanam» i «Kałhary».