Калі? Грабоўскаму застаюцца тры шайбы да сотні
nhl.com
У чарговым матчы рэгулярнага чэмпіянату Нацыянальнай хакейнай лігі «Вашынгтон» — новы клуб адзінага сёлета беларуса ў НХЛ Міхаіла Грабоўскага — саступіў на сваёй «Верайзан-Арэне» «Каларада» — 1:5.
Грабоўскі сёння ні забіваў, ні аддаваў галявых перадачаў. Сёлета, з пачатку кастрычніка, на яго рахунку ў пяці матчах - тры шайбы і дзве галявыя перадачы.
Усяго за НХЛаўскую кар'еру, якая пачалася ў 2006 г., Міхаіл закінуў на пляцоўках Канады і ЗША 97 шайбаў.
Пачынаў кар'еру ў «Манрэалі», дзе выступаў два сезоны (2006—2007): тры шайбы і шэсць перадачаў.
За пяць сезонаў у «Таронта» Міхаіл закінуў 91 шайбу і аддаў 117 галявых перадачаў.
Вось маем тры шайбы ў першым матчы за «Вашынгтон», да адзнакі ў 100 шайбаў засталіся тры галы.
Наступныя тры матчы «Вашынгтон» таксама правядзе дома: 14 кастрычніка супраць «Эдмантана», 16-га — супраць «Рэйнджэрс», 19-га — супраць «Каламбуса».
Потым — візіт у Заходнюю Канаду і гульні з «Вініпегам», «Эдмантанам» і «Калгары».