Fotafakt: Žychar Miadzieła ŭ apošni dzień viasny naźbiraŭ čatyry košyki baravikoŭ

Mikałaj Rusakovič paśla adnoj z pajezdak za baravikami. Fota Alesia Vysockaha.

Čatyry košyki baravikoŭ naźbiraŭ 31 maja žychar Miadzieła Mikałaj Rusakovič, piša «Rehijanalnaja hazieta».

— Pieršy raz u žyćci viasnoj baraviki źbiraŭ: sapraŭdnaje viesnavoje dziva! — dzielicca zaŭziaty hrybnik. — 28 maja pajechaŭ ŭ les, vienik źviazać. Daj, dumaju, pachadžu pa hrybnych miaścinach, moža, jakuju lisičku znajdu. A tam — baraviki! Dy i šmat razam siadzić.

A 31 maja Mikałaj Rusakovič niekalki razoŭ u les źjeździŭ: prajšoŭsia pa svaich miaścinach kala Šymak, Piechuroŭ, Mikasiecka. Čatyry košyki baravikoŭ nabraŭ.

— Heta baraviki-kałasaviki, — tłumačyć jon. — Jany źjaŭlajucca, jak žyta ŭ kołas pojdzie. Jašče jak pad stoł chadziŭ, źbiraŭ takija. Zvyčajna ŭ pačatku lipienia źbiraŭ kałasaviki, a tut vo jak rana vyskačyli. Kab mnie chto skazaŭ, nie pavieryŭ by. I jak ludziam havaru — nie vierać. A ŭžo jak pakažu, u dałoni plaskajuć.

Kamientary da artykuła