Na sotniu sajtaŭ bajnetu — adzin biełaruskamoŭny

22.03.2013 / 18:43

Rasijskaja mova stała druhoj pa raspaŭsiudžanaści movaj u internecie, abyšoŭšy niamieckuju.

Biełaruskaj movy ŭ by-necie tolki 1.1%, mieniej u 10 razoŭ navat za anhielskuju. Kampanija W3Techs, jakaja źbiraje statystyku technałohij i vidaŭ kantentu ŭ siecivie, adznačyła, što rasiejskaja mova abyšła niamieckuju i nabyła status druhoj movy pa raspaŭsiudžanaści ŭ Veb. Paśpiachovaj internet-ekspansii movy svaich ŭschodnich susiedziaŭ niamała paspryjali i biełarusy.

Na pieršym miescy siarod 1 miljona sajtaŭ, jaki analizuje W3Techs, naturalna — anhielskaja mova.

Niahledziačy na toje, što ŭ apošnija hady jaje adnosnaja prysutnaść u siecivie źnižajecca (z 57.6% u 2011 da 54.7% u sakaviku 2012). Rasiejskaja ž pakazvaje ŭpeŭnieny rost: z 4.1% dva hady tamu da amal 6% ciapier.

Na sajtach z damienami.by rasiejskaj karystajucca ŭ 86.7% vypadkaŭ.

Lepšaja situacyja ŭ ruskaj movy chiba što na sajtach ułasna runeta: 89.8%. Akramia bajnetu ŭ raspaŭsiudzie ruskaj movy asabliva vyłučajucca sajty z kazachskimi damienami (84% pa-rusku), tadžykskimi (81.8%), uźbiekskimi (75.9%) i ŭkrainskimi — 79% sajtaŭ na damienach.ua nazyvajuć siabie ruskamoŭnymi.

W3Techs asobna pradstaŭlaje statystyku pa raspaŭsiudžanaści kantentu na roznych movach na nacyjanalnych damienach. U bajnecie pavodle hetych źviestak akramia ruskaj movy sajty najbolš karystajucca anhielskaj — 11.1%. A biełaruskaja ž paznačanaja jak mova kantentu tolki ŭ 1.1% vypadkaŭ i jaje adnosnaja kolkaść pastupova źnižajecca.

Statystyka W3Techs stvarajecca na padstavie techničnych zahałoŭkaŭ, jakija apisvajuć źmiest staronak. Časam hetyja zahałoŭki vystaŭlenyja niekarektna. Naprykład,

kantent na sajcie «Našaj Nivy» daśledčyki paznačyli jak anhłamoŭny.

Čytajcie taksama:

Kamientary da artykuła