Сцвярджаецца, што кіраўнік Butikavto Іван Лябейка ўжо на свабодзе
«Нашай Ніве» раней стала вядома, што ў найбуйнейшую сетку аўтахаусаў Butikavto на пачатку тыдня наведаўся ДФР, а кіраўніка кампаніі Івана Лябейку затрымалі.
Стваральнік «Буцік Аўта» Іван Лябейка. Фота: Instagram
Дакладны сэнс прэтэнзій пакуль што невядомы, але кулуарна абмяркоўваецца «абыход падаткаў».
Выглядае, што праз некалькі дзён яго адпусцілі. Знаёмыя Лябейкі сцвярджаюць, што цяпер мужчына на волі.
У сацсетках прадстаўнікі кампаніі паведамляюць, што ўсе іх філіялы працуюць, рахункі не арыштоўваліся.