У Мядзеле проста пад вокнамі заўважылі грацыёзных казуль ВІДЭА
Незвычайная сустрэча адбылася раніцай 21 кастрычніка ў Мядзеле. Жыхары вуліцы Міру ўбачылі проста пад вокнамі сваіх дамоў казуль. Дзікіх жывёл зняла на відэа мясцовая жыхарка Ася, піша narachanka.by.
Скрыншот з відэа
Паводле слоў Асі, за тры гады жыцця на гэтай вуліцы казулі трапіліся ім на вочы ўжо другі раз. Упершыню іх заўважылі ў маі, аднак так блізка жывёлы да людзей яшчэ не падыходзілі. Мяркуючы па паводзінах казуль, яны адчулі небяспеку і спрабавалі знайсці дарогу для ўцёкаў.
Пры гэтым казулі — не адзіныя дзікія жывёлы, якіх апошнім часам можна сустрэць у Мядзеле. Паводле назіранняў мясцовых жыхароў, даволі рэгулярна з’яўляюцца на той жа вуліцы Міру лісы. Нядаўна іх бачылі каля шматкватэрных дамоў. Напярэдадні ж па горадзе нават шпацыраваў лось.
Чытайце таксама:
Да вёскі пад Гроднам прыбілася знясіленае казуляня. У заапарку паказалі, што з ім цяпер ВІДЭА
У Чэхіі паліцыянты выехалі ратаваць параненую казулю. З гэтага выйшаў адзін смех