Праз «несанкцыянаваныя беспілотнікі» прыпынялі працу аэрапорта Люксембурга
Увечары 18 верасня працу аэрапорта Люксембург-Фіндэль часова прыпынілі пасля таго, як паблізу і над яго тэрыторыяй заўважылі «несанкцыянаваныя беспілотныя лятальныя апараты». Раніцай 19 верасня аэрапорт аднавіў працу, піша Reuters.
Фота: Getty Images/Nicolas Economou/NurPhoto
Адміністрацыя адзінага міжнароднага аэрапорта Люксембурга заявіла, што прыпыненне палётаў было прэвентыўнай мерай дзеля бяспекі пасажыраў, экіпажаў, супрацоўнікаў аэрапорта і паветраных суднаў.
Падрабязнасцяў пра паходжанне дронаў і асобаў, якія імі кіравалі, адміністрацыя не паведаміла.
Аэрапорт Люксембурга з’яўляецца галоўным вузлом нацыянальнай авіякампаніі Luxair. Адміністрацыя паведаміла, што працягвае сачыць за сітуацыяй у супрацоўніцтве з адпаведнымі дзяржаўнымі органамі.
Чытайце таксама:
Еменскія хусіты зноў атакавалі Саудаўскую Аравію
На тэрыторыі Беларусі выявілі чатыры рэтранслятары для расійскіх дронаў