Жыхары Смальянаў на Аршаншчыне адрэстаўравалі камень на магіле Тамаша Зана ФОТЫ
Жыхары аграгарадка Смальяны Аршанскага раёна адрэстаўравалі камень на магіле Тамаша Зана. Шмат гадоў пасля царскай ссылкі гэты пісьменнік-філамат пражыў на Аршаншчыне і быў пахаваны тут у 1855 годзе. Доўгі час надмагільным помнікам ніхто не апекаваўся, і ён прыйшоў у занядбаны стан, піша «Еўрарадыё».
Камень Тамаша Зана пасля рэстаўрацыі. Фота: t.me/euroradio
Тамаш Зан — адзін з лідараў віленскіх студэнцкіх таварыстваў філаматаў і філарэтаў. Ён быў сябрам Адама Міцкевіча і Яна Чачота. У 1824 годзе быў сасланы ў Арэнбургскую губерню, а пасля вяртання ў Беларусь пасяліўся ў маёнтку Кахачын каля Оршы, дзе даследаваў прыроду і беларускі фальклор.
Камень Тамаша Зана да рэстаўрацыі. Фота: t.me/euroradio
Чытайце таксама:
Выйшла грунтоўная «Кніга некралогаў» беларускай эміграцыі. Што ў ёй?
На магіле Аляксея Дударава паставілі помнік у выглядзе старадаўняга крыжа. Усё там не выпадкова
Надмагіллі вернуць на Сухую. Улады адрэагавалі на вываз камянёў з Яўрэйскіх могілак у Мінску