Стала вядома, хто стаў новым уладальнікам беларускіх лабараторый Synlab
Раней паведамлялася, што ў Беларусі сетка лабараторый Synlab змяніла назву на MonoLab пасля змены ўладальніка. Выданне Office Life даведалася, хто стаў гэтым уладальнікам.
Фота: synlab.by
Паводле звестак Адзінага дзяржаўнага рэгістра, з 23 чэрвеня 100% «Медыцынскай лабараторыі МонаЛаб» належыць беларускай кампаніі «БелМедКантакт». Яна была зарэгістраваная ў 2019 годзе і займаецца арганізацыяй лячэння, аздараўлення і адпачынку замежнікаў у Беларусі.
Гісторыя Synlab у Беларусі пачалася яшчэ ў 2002 годзе з кампаніі «Еўрамедылаб». У 2006 годзе яе пераўтварылі ў прадпрыемства «Сінлаб-ЕМЛ» з удзелам нямецкага Synlab Holding. Да лета 2026 года менавіта гэта еўрапейская кампанія валодала беларускай сеткай.
Цяпер MonoLab мае 14 лабараторый: пяць з іх працуюць у Мінску, астатнія — у рэгіёнах.
Змена ўладальніка Synlab стала яшчэ адным прыкладам сыходу буйнога заходняга медыцынскага бізнэсу з Беларусі. Раней падобным чынам краіну пакінула шведская сетка Synevo, якая працягнула працу пад брэндам Helix.
Чытайце таксама:
Медыцынская лабараторыя Synlab у Беларусі мяняе назву
У Беларусі з'явілася першая ў краіне ветклініка на колах
Мінздароўя прыпыніла працу буйнога прыватнага медцэнтра «Лазар» у Баранавічах