Украіна ўвяла санкцыі супраць двух беларускіх прадпрыемстваў
У санкцыйны спіс уключаны ТАА «Ціса» і ААТ «Кідма Тэк». Адпаведны ўказ 3 жніўня падпісаў прэзідэнт Украіны Уладзімір Зяленскі.
Здымак ілюстрацыйны. Фота: molodechnobelayarus.by
Кампанія «Ціса», якая знаходзіцца ў Маладзечне, займаецца праектаваннем і будаўніцтвам так званых «чыстых памяшканняў» для лабараторый, медыцынскіх устаноў, фармацэўтычных прадпрыемстваў і электроннай прамысловасці. Акрамя таго, яна выпускае абсталяванне для радыяцыйнай абароны, якое выкарыстоўваецца ў медыцынскай і прамысловай сферах.
ААТ «Кідма Тэк», зарэгістраванае ў Аршанскім раёне, вырабляе як цывільную, так і вайсковую прадукцыю. Прадпрыемства выпускае аптычныя прыборы, рабатызаваныя агнявыя комплексы «Берсерк», зенітна-ракетныя комплексы, а таксама займаецца рамонтам кіраваных авіяцыйных ракет малой і сярэдняй далёкасці і супрацьтанкавых ракет.
Прычыны ўключэння гэтых прадпрыемстваў у санкцыйны спіс ва ўказе не тлумачацца.
Чытайце таксама:
Зяленскі: Украіна будзе старацца прымусіць РФ скончыць вайну да зімы
Зяленскі: Ракеты Patriot у свеце ёсць, патрэбныя толькі палітычныя рашэнні