Падаляк: Зяленскі гатовы да сустрэчы з Пуціным
Прэзідэнт Украіны прапануе Расіі розныя варыянты перамір’я.
Уладзімір Зяленскі. Фота: УНІАН
Дарадца кіраўніка Офіса прэзідэнта Украіны Міхаіл Падаляк заявіў, што Уладзімір Зяленскі вылучае некалькі магчымых фарматаў прыпынення агню.
Сярод прапанаваных ініцыятыў — перамір'е ў паветры, адмова ад удараў па энергетычнай інфраструктуры, а таксама поўная замарозка баявых дзеянняў па бягучай лініі фронту з далейшым пачаткам складаных перамоваў.
Акрамя таго, Падаляк падкрэсліў, што прэзідэнт Украіны выказвае гатоўнасць да асабістай сустрэчы з Уладзімірам Пуціным.
У сваю чаргу, расійскі бок раней настойваў на поўным кантролі над Данбасам як ключавой умове спынення вайны і адхіляў лакальныя перамір'і.
Што да магчымай сустрэчы лідараў, Пуцін заяўляў пра гатоўнасць правесці яе толькі ў Маскве.
Сёння Зяленскі заявіў, што Украіна будзе старацца прымусіць РФ скончыць вайну да зімы.