На Смалявіцкім вадасховішчы стала масава дохнуць рыба
На Смалявіцкім вадасховішчы зафіксаваны масавы мор рыбы. Пасля паведамленняў мясцовых жыхароў на месца выехалі эколагі, ветэрынарныя спецыялісты і супрацоўнікі сілавых структур, піша выданне Smolevichi-24.by.
Спецыялісты ўзялі пробы вады ў некалькіх участках вадасховішча, каб праверыць узровень кіслароду і выявіць магчымыя шкодныя дамешкі.
Падчас агляду не было знойдзена слядоў нафтапрадуктаў або іншых забруджвальных рэчываў. Акрамя таго, побач з вадасховішчам няма дзейных прамысловых ці сельскагаспадарчых прадпрыемстваў, якія маглі б стаць крыніцай такога забруджвання.
Цяпер супрацоўнікі міліцыі праводзяць праверку і ацэньваюць шкоду, нанесеную навакольнаму асяроддзю.
Паводле папярэдняй версіі, прычынай гібелі рыбы магла стаць моцная спёка. З-за высокай тэмпературы вада на мелкаводдзі значна нагрэлася, што магло прывесці да рэзкага зніжэння ўтрымання кіслароду.
Канчатковую прычыну здарэння вызначаць навукоўцы Нацыянальнай акадэміі навук Беларусі пасля вывучэння вынікаў лабараторных даследаванняў і аналізу проб вады.
Чытайце таксама:
У Дрыбінскім раёне хлопчык пайшоў лавіць рыбу і зачапіў вудай за правады
У Прыпяці павялічваецца колькасць рыбы, раней занесенай у Чырвоную кнігу
У Лепельскім раёне ўзялі пад варту браканьера-рэцыдывіста
У Варшаве затрымалі ўкраінца, які злавіў легендарнага сома, які 20 гадоў плаваў у гэтым возеры