Праект хуткаснай чыгуначнай магістралі Масква — Мінск падымаецца ў прыярытэтах

Прэзідэнт Расіі Уладзімір Пуцін падтрымаў пачатак папярэдняй прапрацоўкі праекта высакахуткаснай чыгуначнай магістралі, якая павінна злучыць Маскву і Мінск. Гэтае пытанне абмяркоўвалася падчас дакладу яму міністра транспарту Расіі Андрэя Нікіціна.

Фота ілюстрацыйнае

Па словах кіраўніка расійскага транспартнага ведамства, пасля пракладання ўнутрырасійскага маршруту Масква — Ніжні Ноўгарад — Казань другім па перспектыўнасці лічыцца міжнародны праект Масква — Мінск. Ён прапанаваў распачаць папярэднюю падрыхтоўку, і Пуцін даў на гэта згоду.

Алег Нікіцін адзначыў, што ў 2028—2029 гадах неабходна будзе вызначыць фінансавую мадэль праекта і падрыхтаваць яго да далейшай рэалізацыі. Для работы над міжнароднай часткай плануецца прыцягнуць Еўразійскі банк развіцця.

Уладзімір Пуцін таксама заявіў, што неаднаразова абмяркоўваў ідэю хуткаснай чыгункі з Аляксандрам Лукашэнкам і што беларускі бок падтрымлівае гэты праект, таму сур’ёзных адміністрацыйных перашкод не чакаецца.

На сёння ў Расіі ўжо будуецца першая высокахуткасная магістраль паміж Масквой і Санкт-Пецярбургам, запуск якой чакаецца ў 2028—2029 гадах. Толькі пасля гэтага плануецца пераходзіць да будаўніцтва наступных маршрутаў. Раней кірунак на Мінск не быў галоўным прыярытэтам і знаходзіўся толькі на чацвёртым месцы ў планах расійскіх чыгунак.

Яшчэ ў красавіку 2026 года міністэрствы транспарту Беларусі і Расіі паведамілі пра стварэнне супольнай працоўнай групы, якая будзе вывучаць прававыя, тэхнічныя і арганізацыйныя пытанні рэалізацыі высакахуткасных чыгуначных злучэнняў паміж дзвюма краінамі.

Каментары да артыкула