У Маскве спрабавалі ўзарваць былога міністра дзяржбяспекі «ДНР»
У Новай Маскве адбылася спроба замаху на былога кіраўніка міністэрства дзяржаўнай бяспекі так званай «ДНР» Андрэя Пінчука, паведамляюць расійскія тэлеграм-каналы.
Андрэй Пінчук
Як паведамляецца, інцыдэнт адбыўся 12 чэрвеня ў пасёлку Шчапава, дзе каля дома Андрэя Пінчука выбухнула пасылка з выбуховымі і паражальнымі элементамі.
Паводле папярэдніх звестак, сам Пінчук не пацярпеў, бо паспеў схавацца. Ягоная сям’я ў момант выбуху знаходзілася ў іншым месцы і таксама не пацярпела.
У выніку выбуху ў доме былі пашкоджаныя вокны і дзверы. На месцы здарэння працуюць расійскія сілавікі, якія высвятляюць абставіны інцыдэнту і шукаюць магчымых падазраваных.
Андрэй Пінчук у 2014—2015 гадах, адразу пасля пачатку расійскай гібрыднай вайны ва ўсходніх рэгіёнах Украіны, займаў пасаду кіраўніка міністэрства дзяржаўнай бяспекі «ДНР». Таксама ён камандаваў добраахвотніцкім атрадам «БАРС-13».
Чытайце таксама:
Дзень Расіі: гараць НПЗ у Ніжнякамску, завод каўчуку ў Тальяці і аб'ект у Сімферопалі
Пры выбуху аўтамабіля ў падмаскоўнай Балашысе загінуў высокапастаўлены вайсковец
На паўднёвым захадзе Масквы выбухнуў аўтамабіль
У падмаскоўнай Балашысе ўзарвалі аўтамабіль, кіроўца загінуў