Прызначаны новы міністр прыродных рэсурсаў
Раней Максім Лысенка быў першым намеснікам міністра, а перад тым чатыры гады ўзначальваў паспяховы Дзяржынскі раён.
Максім Лысенка нарадзіўся ў 1984 годзе. Ён мае тры вышэйшыя адукацыі. У 2007 годзе скончыў БДТУ па спецыяльнасці «Лясная гаспадарка». У 2010 годзе атрымаў дыплом Мінскага інстытута кіравання («эканоміка і кіраванне на прадпрыемстве»). У 2025 годзе скончыў Акадэмію кіравання па спецыяльнасці «Дзяржаўнае кіраванне і права».
Працаваў вядучым спецыялістам, а пасля ўзначальваў Дзяржынскую раённую інспекцыю прыродных рэсурсаў і аховы навакольнага асяроддзя.
З 2017 па 2019 гады займаў пасаду намесніка старшыні Мінскага абласнога камітэта прыродных рэсурсаў, пасля чаго сам узначаліў гэты камітэт.
У сакавіку 2021 года часова змяніў экалагічны профіль і пайшоў на павышэнне ў выканаўчую ўладу, узначаліўшы Дзяржынскі райвыканкам. На пасадзе старшыні раёна ён працаваў да чэрвеня 2025 года.
1 ліпеня 2025 года Лысенка быў вернуты ў ведамства і прызначаны на пасаду першага намесніка міністра прыродных рэсурсаў і аховы навакольнага асяроддзя, дзе працаваў да цяперашняга прызначэння.
Былы міністр прыроды Сяргей Масляк быў арыштаваны па абвінавачанні ў хабарніцтве.