Трамп аб'явіў трохдзённае перамір'е паміж Расіяй і Украінай
Прэзідэнт ЗША Дональд Трамп упэўнены, што святкаванне расійскага «Дня Перамогі» важна і для Украіны.
«Я рады паведаміць, што ў вайне паміж Расіяй і Украінай будзе абвешчана трохдзённае перамір'е (9, 10 і 11 мая). Святкаванне ў Расіі прымеркавана да Дня Перамогі, але яно гэтак жа важна і для Украіны, паколькі яна таксама была значнай часткай і важным фактарам у Другой сусветнай вайне.
Гэта перамір'е будзе ўключаць прыпыненне ўсёй кінетычнай актыўнасці, а таксама абмен палоннымі ў фармаце «1000 на 1000» паміж абедзвюма краінамі. Гэтая просьба была выказана мной асабіста, і я вельмі ўдзячны прэзідэнту Уладзіміру Пуціну і прэзідэнту Уладзіміру Зеленскаму за згоду з ёй.
Спадзяюся, гэта пачатак канца вельмі доўгай, смяротнай і цяжкай вайны. Перагаворы аб завяршэнні гэтага маштабнага канфлікту, найбуйнейшага з часоў Другой сусветнай вайны, працягваюцца, і мы становімся бліжэй да гэтага з кожным днём. Дзякуй за вашу ўвагу да гэтага пытання!», — напісаў Трамп у сацсетцы Truth Social.
Чытайце таксама:
Такаеў і Мірзіёеў усё ж прыедуць пацешыць Пуціна
Трансляцыю парада ў Маскве рыхтуюць да непрадбачаных сітуацый
У Крамлі адмаўляюць, што ва ўсіх замежных СМІ адклікалі акрэдытацыі на Парад Перамогі
Фіца вязе Пуціну пасланне ад Зяленскага
«Дзіўнае жаданне ў гэтыя дні». Зяленскі не рэкамендуе замежным палітыкам ехаць 9 мая ў Маскву