34‑гадовую аматарку экстрэмальнага спорту і маладую маці асудзілі па палітычным артыкуле
На Яну Ранько завялі крымінальную справу за «садзейнічанне экстрэмізму».
Яна Ранько. Фота з яе старонкі ў Facebook
Яне Ранько 34 гады. Яна родам з Гомеля, але доўгі час жыве ў Мінску. Дзяўчына скончыла Беларускі дзяржаўны тэхналагічны ўніверсітэт (БДТУ).
Яна выхоўвае сына.
Амаль увесь вольны час дзяўчына прысвячала актыўнаму ладу жыцця і спорту, да якога далучала і сына, з якім яны разам удзельнічалі ў сямейных веламарафонах. Таксама Яна захапляецца слэклайнам — экстрэмальным хаджэннем па канатах і стропах. Акрамя гэтага, Ранько неаднаразова ўдзельнічала ў забегах з перашкодамі Bison Race, выходзіла на старты Minskrun і займала прызавыя месцы на скаладромах.
Яну Ранько нядаўна асудзілі ў Мінскім гарадскім судзе паводле частак 1 і 2 артыкула 361‑4 КК, «садзейнічанне экстрэмізму». Ёй прысудзілі хатнюю хімію.
Чытайце таксама:
Маладую маці з Гомеля асудзілі за палітыку
61‑гадовую мінчанку асудзілі па чатырох палітычных артыкулах і адправілі ў калонію
37‑гадовага веласіпедыста з Салігорска кінулі за краты за Гаюна