«Відаць, што апоры развальваюцца». Стан аднаго з мінскіх мастоў цераз Свіслач выклікае трывогу
У сеціве з'явілася відэа моста праз Свіслач на вуліцы Дзянісаўскай, стан якога, на думку аўтара, выклікае занепакоенасць. Што адказалі на гэтую заўвагу спецыялісты, даведалася агенцтва «Мінск-Навіны».
Скрыншот з відэа
«А ў нас чарговы мост на драўляных падпорках паміж Маякоўкай і Серабранкай. Відаць, што апоры развальваюцца. Каб іх паставіць, тут праклалі цэлую дарогу, перакрыўшы раку. З фундаментнай пліты нешта выцякае. Атрымліваецца, яго ўжо падмыла. Наверсе, як звычайна, новы асфальт і ямачны рамонт», — расказвае пра недахопы закадравы голас.
На відэа бачная патрэсканая тынкоўка, а сама будыніна ўмацаваная дадатковымі канструкцыямі.
Пра стан моста ведаюць на прадпрыемстве «Гараўтамост» і запэўніваюць, што меры ўжо прымаюцца.
«Цяпер вядзецца распрацоўка праекта рэканструкцыі моста праз раку Свіслач па вуліцы Дзянісаўскай. Будаўніча-мантажныя работы па рэканструкцыі збудавання запланаваныя на 2027 год, — расказалі спецыялісты. — Рашэнне па ўстаноўцы дзвюх страховачных апор было прынята з мэтай гарантавання бяспечнай эксплуатацыі моста да правядзення рамонтных работ».
Чытайце таксама:
У Мінску заўважылі рэдкую качку, якую назвалі ў гонар кітайскіх вяльмож
Свіслач у Мінску будуць перазапускаць
У Мінску зноў пачаў плаваць рачны трамвай
У цэнтры Мінска ў Свіслачы злавілі чырвонакніжную стронгу. Няўжо яна ў ёй завялася?