Мадзьяр запатрабаваў адстаўкі прэзідэнта Венгрыі
Лідар пераможцы на парламенцкіх выбарах у Венгрыі партыі «Ціса» Петэр Мадзьяр падчас сустрэчы з прэзідэнтам Тамашам Шуёкам у Будапешце заявіў, што кіраўнік дзяржавы павінен пакінуць сваю пасаду, паведамляе Bloomberg.
Петэр Мадзьяр. Фота: Sean Gallup/Getty Images
Мадзьяр заявіў, што той «маральна не падыходзіць» для гэтай пасады.
«Паўтару яшчэ раз: прэзідэнт Тамаш Шуёк павінен пайсці ў адстаўку пасля фарміравання ўрада», — сказаў Мадзьяр, прыбыўшы на сустрэчу ў прэзідэнцкі палац у Будайскім замку.
На сустрэчы Шуёк даручыў Мадзьяру сфармаваць урад.
Тамаш Шуёк знаходзіцца на пасадзе прэзідэнта Венгрыі з сакавіка 2024 года пасля адстаўкі Каталін Новак. Перад гэтым восем гадоў ён узначальваў Канстытуцыйны суд.
Чытайце таксама:
Мадзьяр анансаваў увядзенне абмежаванняў на тэрміны займання пасады прэм'ера Венгрыі
Петэр Мадзьяр заявіў, што параіў бы Пуціну завяршыць вайну
«Я Віктар Орбан, і я хачу вас павіншаваць». Мадзьяр расказаў пра сваю размову з Орбанам
Лукашэнка паспяшаўся: Крэмль адмовіўся віншаваць Петэра Мадзьяра