У Смалявіцкім раёне злодзея падвяла любоў да салодкага
Судовыя эксперты дапамаглі раскрыць крадзеж з лецішча ў аграгарадку Юр’ева ў Смалявіцкім раёне дзякуючы незвычайнай дэталі — следу на абгортцы ад цукеркі.
У міліцыю паступіла паведамленне пра крадзеж: невядомы разбіў шыбу і залез у дом, вынесшы адтуль прадукты і алкаголь.
Падчас агляду месца здарэння эксперт знайшоў на камодзе пакет з цукеркамі і побач пустую абгортку. На ёй знайшлі след пальца.
Пры праверцы ў базе Дзяржаўнага камітэта судовых экспертыз высветлілася, што гэты след належыць мясцоваму жыхару 1969 года нараджэння.
Пасля гэтага сілавікі затрымалі падазраванага і частку скрадзенай маёмасці вярнулі. Па факце крадзяжу распачалі крымінальную справу.
Чытайце таксама:
«Трава твая, а пясок дзяржаўны!» Беларусы абураныя штрафамі за «крадзеж» пяску
Серыйнага злодзея ў Буда-Кашалёўскім раёне вылічылі па недакурку