Уласніка мануфактуры «Наш алей» знайшлі жывым
Мінская міліцыя паведаміла пра тое, што 49‑гадовы Дзмітрый Тарасікаў, які раней лічыўся зніклым, знайшоўся і з ім «усё ў парадку».
Дзмітрый Тарасікаў. Фота: ГУУС Мінгарвыканкама
Паведамляецца, што супрацоўнікі крымінальнага вышуку Кастрычніцкага РУУС Мінска ў ходзе аператыўна-вышуковых мерапрыемстваў разам з рэспубліканскай сістэмай маніторынгу грамадскай бяспекі ГУУС Мінгарвыканкама выявілі мужчыну.
Міліцыя сцвярджае, што з ім усё ў парадку, але ніякіх іншых падрабязнасцяў не падае.
Інфармацыю пра пошук 49‑гадовага Дзмітрыя Тарасікава 10 красавіка апублікавалі ў сацсетках пошукава-выратавальнага атрада «Анёл». У арыенціроўцы было сказана, што мужчына пайшоў з дому раніцай 30 сакавіка. З таго моманту ён не выходзіў на сувязь.
Чытайце таксама:
У Мінску знік уласнік мануфактуры «Наш алей»
Зніклага ў Гродне падлетка знайшлі мёртвым
У пад'ездзе ў Мінску знайшлі мужчыну, які потым памёр у бальніцы