У палескіх лясах знайшлі незвычайны для Беларусі грыб
Грыб Arthonia molendoi заўважылі на тэрыторыі нацыянальнага парку «Прыпяцкі» яшчэ ў жніўні 2025 года, а пасля доўга высвятлялі, да якога віду адносіцца знаходка, піша Times.by.
Ліхенафільны грыб Arthonia molendoi. Фота: Нацыянальны парк «Прыпяцкі»
У нацпарку «Прыпяцкі» знайшлі новы для Беларусі ліхенафільны грыб Arthonia molendoi, паведамілі ў прыродаахоўнай установе.
Найбліжэйшае да Беларусі месца, дзе можна сустрэць такі грыб, — Літва. Arthonia molendoi расце на лішайніках. Гэта яго ўнікальная асаблівасць.
Грыб у жніўні 2025 года знайшла студэнтка Гомельскага дзяржаўнага ўніверсітэта імя Францыска Скарыны Вікторыя Ветліна. Ужо сёлета яна будзе працаваць у нацпарку ліхенолагам.
Відавая прыналежнасць грыба была вызначаная магістранткай гэтага ж універсітэта Ірынай Болсун. Даследаванне праводзілася пад кіраўніцтвам доктара біялагічных навук, прафесара Андрэя Цурыкава.
Чытайце таксама:
У беларускіх лясах ужо пайшлі першыя смаржкі
Мінчанка назбірала ў лесе грыбоў, падобных да вядомага печыва. Ці ядомыя яны?
У мінскіх крамах сталі прадаваць насенне грыбоў. Яно сапраўды прарастае?