За суткі Расія запусціла ва Украіну амаль 1000 беспілотнікаў
24 сакавіка Расія правяла адну з найбольш масавых атак на Украіну з выкарыстаннем ударных беспілотнікаў, паведаміла прэс-служба Паветраных сілаў Украіны.
Здымак ілюстрацыйны. Фота: AP Photo / Efrem Lukatsky
Паведамляецца, што днём 24 сакавіка ўкраінскія абаронцы зафіксавалі на тэрыторыі краіны больш за 550 расійскіх ударных БПЛА. Улічваючы ж начную атаку з 18:00 23 сакавіка па 18:00 24 сакавіка 2026 года (за ўмоўныя суткі), агульная колькасць выкарыстаных праціўнікам беспілотнікаў тыпу Shahed, Гербера і іншых склала амаль тысячу.
Асабліва шмат БПЛА ва Украіну залятала з поўначы — праз тэрыторыі Чарнігаўскай і Сумскай абласцей.
Геаграфія дзённых удараў была шырэйшай, чым начных: Палтава, Кіеў, Мікалаеў, Вінніца і заходнія рэгіёны — ад Хмяльніцкага да Львова.
15 удараў дасягнулі цэляў.
Паводле папярэдніх даных, па стане на 18:00 24 сакавіка ўкраінскай супрацьпаветранай абаронай быў збіты або падаўлены 541 БПЛА праціўніка.
Чытайце таксама:
Расійскі дрон прыляцеў у жылы дом у самым цэнтры Львова ВІДЭА
Дрон ударыў па электрычцы ў Харкаўскай вобласці, адзін чалавек загінуў
Расія збіраецца паставіць у Беларусі чатыры станцыі кіравання дальнабойнымі дронамі