У Мінску затрымалі двух фальшываманетчыкаў

У Мінску супрацоўнік банка звярнуўся ў міліцыю, бо падчас праверкі грошай выявіў некалькі купюр, якія выклікалі падазрэнні ў сапраўднасці, паведамляе Дзяржаўны камітэт судовых экспертыз. 

У ходзе праверкі сілавікі выйшлі на двух чалавек — 31‑гадовага жыхара Барысава і яго 41‑гадовую знаёмую з Мінска. Высветлілася, што яны неаднаразова разлічваліся ў краме падробленымі купюрамі па 100 рублёў.

Падчас ператрусаў у іх знайшлі яшчэ 11 банкнот наміналам 500 рублёў. Экспертыза засведчыла, што ўсе гэтыя грошы былі падробленыя: яны надрукаваныя на звычайным прынтары, у тым ліку серыйныя нумары і ахоўныя элементы.

Па гэтым факце завялі крымінальную справу.

Каментары да артыкула