У Ізраілі заявілі пра намер забіваць любога іранскага высокапастаўленага дзеяча

Міністр абароны Ізраіля Ісраэль Кац паведаміў, што краіна дазволіла сваім вайскоўцам ліквідаваць любога высокапастаўленага іранскага дзеяча без дадатковага ўзгаднення. Паводле яго слоў, ніхто ў Іране не мае «імунітэту», і ўсе могуць стаць цэллю, паведамляе Deutsche Welle.

Труну з целам генерала Алі Шамхані, сакратара Вышэйшай рады нацыянальнай бяспекі Ірана і старшага дарадцы Вярхоўнага лідара, які загінуў у выніку ўдару, — нясуць для пахавання ў дворыку святыні Імамзадэ Салех у Тэгеране. 14 сакавіка 2026 года. Фота: AP Photo/Vahid Salemi

Таксама Ісраэль Кац папярэдзіў, што ў найбліжэйшы час варта чакаць новых нечаканых крокаў і ўзмацнення ваенных дзеянняў супраць Ірана і звязаных з ім груповак.

У той жа дзень у Ізраілі заявілі пра гібель міністра разведкі Ірана, які быў нібыта забіты ў выніку авіяўдару ў Тэгеране. Яго называлі адным з ключавых прадстаўнікоў сілавых структур краіны.

Паводле ранейшых паведамленняў, з пачатку канфлікту ўжо загінулі дзясяткі высокапастаўленых іранскіх чыноўнікаў. Сярод іх — уплывовыя палітычныя і вайсковыя фігуры, уключаючы шматгадовага лідара дзяржавы аяталу Алі Хаменеі.

Каментары да артыкула