Мінскі старшакласнік трымаў у гаражы тысячу вэйпаў на продаж
Прэс-служба МУС паведамляе, што 17‑гадовы школьнік з Мінска захоўваў у арандаваным гаражы нікаціназмяшчальныя вадкасці і камплектуючыя для электронных цыгарэт. Ён планаваў прадаваць іх у Мінску і Мінскім раёне.
Скрыншот з відэа
Падчас праверкі ў памяшканні знайшлі і канфіскавалі больш за тысячу ёмістасцяў з вадкасцямі, каля 700 розных камплектуючых, а таксама аднаразовыя сістэмы для курэння.
Увесь гэты тавар вучань 11‑га класа набыў праз месенджар.
На падлетка склалі адміністрацыйны пратакол. Яму пагражае вялікі штраф і канфіскацыя ўсяго тавару.
Чытайце таксама:
14‑гадовы школьнік аказаўся ў бальніцы пасля таго, як пакурыў вэйп
Мінчанін хацеў прадаць парагенератары, але 15‑гадовы пакупнік бясплатна забраў тавар і ўцёк
Навукоўцы даказалі, што кожны прадукт з нікацінам забівае сэрца — навамодныя паўчы і вэйпы таксама