Карына Шуляк не атрымае ні цэнта са спадчыны Эпштэйна

Выданне Le Monde апублікавала падрабязнасці гісторыі 36‑гадовай ураджэнкі Беларусі Карыны Шуляк, якая была апошняй спадарожніцай і галоўнай спадкаемцай амерыканскага сэксуальнага злачынцы-мільярдэра Джэфры Эпштэйна. Нягледзячы на тое, што Эпштэйн завяшчаў ёй практычна ўсю сваю маёмасць, атрымаць грошы ёй не ўдасца.

Джэфры Эпштэйн з Карынай Шуляк

Карына Шуляк была апошнім чалавекам, з якім Эпштэйн размаўляў па тэлефоне незадоўга да самагубства ў турме 10 жніўня 2019 года.

Яна была для яго адначасова палюбоўніцай, менеджаркай і ўтрыманкай. Яна значыцца галоўнай бенефіцыянткай у завяшчанні, якое ён напісаў у сваёй камеры перад смерцю.

Згодна з гэтым дакументам, Шуляк павінна была атрымаць у спадчыну 100 мільёнаў даляраў і маёмасць Эпштэйна: яго асабняк на Манхэтэне, яго кватэру ў Парыжы, яго прыватныя астравы, яго ранча ў Нью-Мексіка, а таксама пярсцёнак у 32 караты, набыты за 1,2 мільёна долараў.

Нягледзячы на гэтую шчодрую спадчыну, 36‑гадовая жанчына, якая зараз жыве ў Нью-Ёрку, не ўбачыць ні капейкі, паколькі амерыканскія і французскія ўлады вырашылі замарозіць маёмасць, каб накіраваць яе ў фонд кампенсацыі ахвярам.

Каментары да артыкула