Беларусы адкрылі ў Кіеве другі цэнтр нязломнасці
Каб дапамагчы жыхарам сталіцы Украіны перажыць холад, 11 лютага беларусы паставілі другі намёт, бо першы ўжо не спраўляецца з колькасцю людзей, якім патрэбна дапамога. Пра гэта паведаміў дабрачынны фонд «Вільна Білорусь».
«Цэнтр нязломнасці — месца, дзе ёсць святло, цяпло і падтрымка, дзе адчуваецца салідарнасць і чалавечнасць.
Асабліва прыемна, што гэта ініцыятыва звычайных беларусаў.
Ад імя беларускай супольнасці Украіны выказваем шчырую падзяку Алене Жаркевіч і ўсім, хто дапамог рэалізаваць гэтую важную і патрэбную справу», — паведамляе фонд «Вільна Білорусь» у сваім тэлеграм-канале.
Пра стварэнне першага беларускага пункта нязломнасці ў Кіеве паведамлялася ў канцы студзеня.