Стала вядома, дзе цяпер будзе жыць янот, якога прывезлі ў Беларусь у кантэйнеры з машынамі

Янот Сеня выйшаў з каранціну пасля нечаканага падарожжа праз акіян і атрымаў пуцёўку ў новае жыццё.

Скрыншот з відэа

Цяпер янота можна будзе ўбачыць у парку жывёл «Дыпрыз» у Баранавіцкім раёне, паведамілі на мытні.

Янот Сеня прыплыў у Беларусь з ЗША ў сярэдзіне студзеня ў марскім кантэйнеры з легкавымі машынамі. Калі яго заўважылі, то спачатку прынялі за цацку. У дарозе янот правёў не менш за месяц. З голаду нават пагрыз салон машыны. 

Як янот змог так доўга быць без ежы? Яноты падобныя да мядзведзяў — увосень нагульваюць тлушч, а зімой любяць паспаць. Гэтыя звычкі і выратавалі жывёліну ад галоднай смерці. Падчас такога стану анямення ў янотаў замаруджваюцца жыццёвыя працэсы, крыху зніжаецца тэмпература цела.

Каментары да артыкула