17‑гадовы пінчук распрацаваў траяна-вымагальніка і на гэтым зарабляў
У Пінску сілавікі затрымалі падлетка, які займаўся кібервымагальніцтвам. Як паведамілі ў МУС, 17‑гадовы жыхар горада распаўсюджваў шкоднаснае праграмнае забеспячэнне ўласнай распрацоўкі.
Здымак ілюстрацыйны. Фота: freepik.com
Юнак стварыў так званы траян-вымагальнік. Пасля заражэння камп’ютара праграма шыфравала файлы і блакавала загрузку аперацыйнай сістэмы пры перазапуску. У выніку карыстальнік траціў доступ да свайго ПК. Адначасова на экране з’яўлялася паведамленне з патрабаваннем перавесці грошы за аднаўленне доступу да сістэмы.
Супрацоўнікі падраздзяленняў па супрацьдзеянні кіберзлачыннасці Брэсцкай вобласці знайшлі і затрымалі падазраванага. У дачыненні да яго распачалі крымінальную справу. На гэты момант вядома як мінімум пра дзесяць пацярпелых — гэта як прыватныя асобы, так і арганізацыі.
Чытайце таксама:
Хакеры паўгода распаўсюджвалі вірусы праз папулярны тэкставы рэдактар
Кітайскія хакеры на працягу некалькіх гадоў мелі доступ да мабільнай сувязі ўрада Вялікабрытаніі
У інстаграме маштабная ўцечка, пацярпелі 17,5 мільёна карыстальнікаў
Хакерка з дапамогай штучнага інтэлекту публічна знішчыла «Tinder для неанацыстаў»