Траціна прададзеных у Мінску кватэр — даражэйшыя за 100 тысяч даляраў

А колькі купілі кватэр за 200 тысяч?

Фота: сацсеткі

У базе БТІ за снежань цяпер 1275 здзелак па сталіцы, але іх колькасць яшчэ дадасца, пакуль яны будуць дагружацца ў базу даных, таму можна казаць, што па выніку ў сталіцы будзе каля 1330‑1350 здзелак, паведамляе Wikidom.

Для параўнання, у лістападзе было 1235 здзелак, у той жа час у снежні мінулага года — 1509.

Сярэдні кошт метра ў Мінску склаў 1876 даляраў (плюс 17$ за месяц).

Па сегментах сітуацыя наступная:

• кватэра на другасным рынку каштавала 1864$ за метр (+19$);
• гатовыя новабудоўлі каштавалі 2011$ за метр (+2$).

Што тычыцца долі дарагіх кватэр, з цэннікам больш за 100 тысяч даляраў, то іх колькасць крыху знізілася і склала 34% ад агульнай колькасці ўсіх продажаў (гэта 431 кватэра).

Нягледзячы на невялікае зніжэнне долі дарагіх кватэр, іх колькасць усё роўна знаходзіцца на рэкордна высокіх узроўнях. Доля кватэр з коштам вышэй 200 тысяч даляраў — 4% (45 здзелак).

Па выніку месяца склаліся наступныя цэны за метр на розныя кватэры:

• аднапакаёвыя — 2 029$ (+12$);
• двухпакаёвыя — 1 808$ (+12$);
• трохпакаёвыя — 1 660$ (-4$);
• чатырохпакаёвыя — 1 667$ (+97$).

Каментары да артыкула