Асудзілі 33‑гадовую бухгалтарку з Брэста — імаверна, па справе Гаюна
Настассю Уласавец абвінавацілі ў «садзейнічанне экстрэмісцкай дзейнасці».
Настасся Уласавец. Фота з яе старонкі Укантакце
Настассі Уласавец 33 гады. Яна родам з горада Івацэвічы Брэсцкай вобласці.
У 2013 годзе дзяўчына скончыла эканамічны факультэт Брэсцкага дзяржаўнага тэхнічнага ўніверсітэта (БрДТУ) па спецыяльнасці «Бухгалтарскі ўлік, аналіз і аўдыт». Пасля ўніверсітэта працавала бухгалтарам у «Брэстаблаўтатрансе». Пазней уладкавалася эканамістам у кампанію «СмайлСтудыя». Дзяўчына жыве ў Брэсце разам з мужам.
Настассю судзілі ў Брэсцкім абласным судзе па дзвюх частках артыкула 361‑4 Крымінальнага кодэкса — «садзейнічанне экстрэмісцкай дзейнасці».
Дзяўчыне прысудзілі хатнюю хімію.
Звычайна па гэтым артыкуле рэжым судзіць тых, хто перадаваў інфармацыю, фота ці відэа ў маніторынгавы праект «Беларускі Гаюн». Дакладны тэрмін пакарання Настассі, як і сутнасць справы, невядомы.
Чытайце таксама:
Што можа пагражаць тым, хто пісаў у бот «Беларускага Гаюна»? І што можна зрабіць цяпер