Як выглядае самая танная кватэра ў Мінску і колькі за яе хочуць. Гэта яшчэ і трохпакаёўка!

Праўда, ёсць нюансы.

Інтэр'еры ў самай таннай кватэры Мінска. Фота: realt.by

Напрыканцы 2025 года цэны нерухомасці ў Мінску абнавілі гістарычны рэкорд, але набыць жытло са сталічнай прапіскай менш як за 50 тысяч даляраў усё яшчэ рэальна. Праблема ў тым, што такая кватэра — фактычна ў прыгарадзе і ў кепскім стане.

Самая танная кватэра ў сталіцы прадаецца за 46 тысяч даляраў. Столькі просяць за трохпакаёўку па адрасе: вул. Прафсаюзная, д. 9. Агульная плошча — 67 квадратаў, таму метр там каштуе ўсяго 685 даляраў.

Інтэр'еры ў самай таннай кватэры Мінска. Фота: realt.by

Гэта вельмі танна на фоне сярэдняга кошту метра больш як 2000 даляраў.

Знаходзіцца кватэра ў цагляным 6‑кватэрным доме 1945 года пабудовы, да якога пазней была дададзена прыбудова.

Дом з прыбудовай, у якім знаходзіцца трохпакаёўка за 46 тысяч. Фота: realt.by

Згодна з планам, у кватэры два жылыя пакоі па 17 квадратаў у асноўнай частцы дома, кухня на 13 метраў у прыбудове і яшчэ адзін пакой на 16 метраў, які афіцыйна завецца летнім памяшканнем.

Фота: realt.by

Магчыма, адзін з пакояў, які з'яўляецца прахадным і ў якім стаіць печка, не мае вокнаў праз прыбудову.

Як бачна па фота, рамонт у памяшканні рабіўся вельмі даўно, але гэта не адзіны мінус. Хоць фармальна пакупнік атрымлівае сталічную прапіску, дом гэты знаходзіцца даволі далёка за МКАДам — побач з чыгуначнай станцыяй «Калядзічы».

Фота: скрыншот з Яндэкс Панарамы

Чыгунка ідзе адразу за домам, што таксама не дадае каштоўнасці такому жытлу.

Каментары да артыкула