«Аватар» у Мінску на Новы год усё ж пакажуць
Блогер «Мерзкий Кокобай» заўважыў афішу, з якой вынікае, што на вялікім экране SKYLINE Cinema з 1 студзеня 2026 года будуць паказваць новы фільм: «Аватар: Полымя і попел».
Раней у Беларусі прэм’ера гэтага фільма была запланаваная на 27 снежня, але паведамлялася, што расійскія дыстрыб’ютары перанеслі яе на 8 студзеня — адначасова з паказам у Расіі.
У Расіі гэта звязана з ідэалагічнымі прычынамі: у святочныя дні паказваюць уласны кантэнт, каб ён меў магчымасць зарабіць. Гэта расійскія казкі і мультфільмы: «Царэўна-жабка», «Прастаквашына», «Чабурашка 2».
У Беларусі ж прычынай затрымкі называлася тое, што пракатчыкі не могуць самастойна закупіць копіі фільма — без рашэння з Расіі нічога зрабіць немагчыма.
Чытайце таксама:
У беларускіх кінатэатрах на Новы год замест «Аватара 3» пакажуць «Прастаквашына»
Выходзіць «Аватар: Полымя і попел». Ці ён здзівіць гледачоў?