Раптоўна памёр папулярны блогер Мікіта Мелказёраў
Аўтару папулярнага ютуб-канала «Жыццё-маліна» было 37 гадоў.
Пра смерць блогера Мікіты Мелказёрава паведаміў яго сябар і блогер Аляксандр Івулін.
«Сёння ноччу не стала майго сябра Мікіты Мелказёрава.
Гэта не розыгрыш і не дурны прыкол. Гэта рэальнасць. І гэта п**дзец», — напісаў Івулін у сацсетках.
Для блізкіх Мікіты адкрылі збор.
Што здарылася з Мікітам Мелказёравым, які раптоўна памёр сёння ноччу?
Мікіта вядомы як вядучы ютуб-канала «Жыццё-маліна», дзе выходзілі інтэрв'ю з беларускімі палітыкамі і селебрыці. На канале 97 тысяч падпісчыкаў. Мікіта таксама вёў гістарычны падкаст «Загляне сонца», падкаст з Сашам Івуліным «Нешта будзе», дзе яны абмяркоўвалі жыццёвыя рэчы.
Раней ён працаваў журналістам на «Анлайнеры» і «Трыбуне».
Мікіта быў жанаты з мадэллю Лінай Цапавай.
Рэдакцыя «Нашай Нівы» выказвае спачуванні блізкім Мікіты.