У Радашковічах стварылі музей закатак
У Беларусі з’явіцца першы спецыялізаваны музей, прысвечаны кансервам. Пра гэта паведамілі стваральнікі праекта ў сацыяльных сетках.
Здымак ілюстрацыйны. Фота: «Наша Ніва»
Незвычайны музей размесціцца ў Радашковічах на вуліцы 3 Ліпеня, 32 — побач з кантактным заапаркам, дзе можна ўбачыць папугаяў какаду і слімакоў.
Наведвальнікам раскажуць пра традыцыі салення, квашання і марынавання, пакажуць рэцэпты кансерваў з розных рэгіёнаў Беларусі і прапануюць пакаштаваць расол.
Акрамя пастаяннай экспазіцыі, у музеі плануюць праводзіць дэгустацыі, майстар-класы па прыгатаванні саленняў і розныя гастранамічныя мерапрыемствы.
Адкрыццё музея запланавана на 3 студзеня.
Чытайце таксама:
Луўр трэці дзень зачынены праз забастоўку супрацоўнікаў
Як змянілася Хатынь пасля рэканструкцыі: цяпер там прадаюць бургеры і дзіцячыя цацкі
У Мінску адкрыўся рэстаран-музей піва. У ім чатыры тэматычныя залы