Джоні Дэп экранізуе «Майстра і Маргарыту» Булгакава — рыхтуецца першы англамоўны фільм
Амерыканскі акцёр і прадзюсар Джоні Дэп мае намер стварыць першую англамоўную экранізацыю культавага рамана Міхаіла Булгакава «Майстар і Маргарыта».
Фота: Maya Dehlin Spach / WireImage
Дэп стане прадзюсарам фільма праз сваю кампанію IN.2 Film.
Праект быў анансаваны на кінафестывалі Red Sea Film Festival у Саудаўскай Аравіі. Паведамляецца, што Дэп таксама можа выканаць у фільме адну з галоўных роляў.
На гэты момант праект не мае прызначанага рэжысёра.
Пачатак вытворчасці фільма запланаваны на канец 2026 года.