У 21vek.by адкрылася першая афлайн-крама

6.12.2025 / 18:58

Nashaniva.com

Анлайн-гіпермаркет 21vek.by запусціў свой першы афлайн-праект. Ім стала крама мэблі і тавараў для дому, піша Tochka.by.

Фота: Павел Русак / Tochka.by

Прастору адкрылі ў ГЗЦ «Чэрвеньскі». На 2700 «квадратах» выстаўлены гатовыя інтэр'ерныя рашэнні: гасцёўні, спальні, кухні, працоўныя і дзіцячыя зоны.

Фота: Павел Русак / Tochka.by

Пакупнік можа ўжывую праверыць, наколькі зручная ўпадабаная канапа, ці падыходзіць вышыня стала, як адкрываюцца фасады і спалучаюцца матэрыялы.

Фото: Павел Русак / Tochka.by

Фота: Павел Русак / Tochka.by

Калі ж у гандлёвай зале няма патрэбнага варыянта, яго абяцаюць заказаць з асартыменту анлайн-гіпермаркета і прывезці ў краму ці адразу на дом.

Фота: Павел Русак / Tochka.by

Новы праект, па словах кампаніі, закліканы аб'яднаць перавагі анлайн– і афлайн-шопінгу.

Фота: Павел Русак / Tochka.by

Там можна разглядаць варыянты без ціску кансультантаў, параўноўваць і выбіраць, але як толькі ўзнікне пытанне, то супрацоўнікі абавязкова дапамогуць.

Фота: Павел Русак / Tochka.by

Акрамя таго, абяцаюць аказваць і дадатковыя паслугі: распрацоўку праекта мэбліроўкі, прафесійную зборку і дастаўку па ўсёй краіне.