У нараўлянскім палацы Горватаў цалкам гатовы новы дах. Цяпер будынак уратаваны
Такой навіной падзяліўся ўласнік палаца Пятро Кузняцоў, які кіруе аднаўленчымі працамі ў Нароўлі, піша выданне «Моцныя навіны».
Палац Горватаў у Нароўлі стаў прыватнай уласнасцю ў 2020 годзе. На той момант ён знаходзіўся ў спісе аб’ектаў гісторыка-культурнай спадчыны, якія хутка рызыкуюць знікнуць з карты Беларусі. Будынак выкупілі за 53 тысячы рублёў, каб уратаваць ад разбурэння. Для гэтага трэба было нанава адбудаваць дах, бо стары цалкам разбурыўся і больш не абараняў палац ад ападкаў.
З 2020 па 2024 год вяліся работы па расчыстцы будынка ад разбураных перакрыццяў, смецця і расліннасці. Адначасова вялася праца над стварэннем праекта рэстаўрацыі і яго ўзгаднення з усімі неабходнымі інстанцыямі.
Будаваць новы дах пачалі ў 2024 годзе, прыкладна за год да сканчэння тэрміну выканання ўмоў дамовы куплі-продажу палаца. У лістападзе дамову працягнулі яшчэ на 3 гады.
Учора нарэшце стала вядома, што новы дах на 100% скончаны. Гэта значыць, што будынак уратаваны. Тым не менш, наперадзе яшчэ шмат працы, а падтрымка праекта ўсё яшчэ вельмі актуальная.
Чытайце таксама:
Як цяпер выглядае палац Горватаў у Нароўлі, які рэстаўруюць энтузіясты ФОТЫ
Стала вядома, на якім этапе цяпер рэстаўрацыя палаца Горватаў у Нароўлі
У знакамітай альтанкі ў Нароўлі адшукаўся старажытны прататып
«Ніхто нічога не кінуў і не збіраецца». Як ідуць справы на рэканструкцыі палаца Горватаў у Нароўлі