Збор для Вані Сцяцэнкі закрылі грашыма з арыштаваных сродкаў гродзенскіх блогераў
Пра тое, што суму, якой не хапае на лячэнне дзіцяці, накіруюць на яго карысць з арыштаваных сродкаў падазраваных, паведаміў Следчы камітэт.
Яўгенія Тарасенка і Міхаіл Драгун
Грошы збіраліся для васьмігадовага Вані Сцяцэнкі, у якога цяжкая генетычная хвароба — міядыстрафія Дюшэна. Неабходны хлопцу ўкол каштуе 2,9 мільёна даляраў.
4 лістапада стала вядома, што двух гродзенскіх блогераў, 37‑гадовую Яўгенію Тарасенку і 17‑гадовага Міхаіла Драгуна, затрымалі па падазрэнні ў махлярстве ў асабліва буйным памеры. Паводле звестак МУС, яны збіралі грошы, праводзячы розыгрышы прызоў з платным удзелам — за 10 рублёў. Блогеры заяўлялі, што амаль уся сума пойдзе на лячэнне дзіцяці. Але з сабраных 1,5 мільёна рублёў маме дзіцяці аддалі толькі каля 200 тысяч.
7 лістапада абодва блогеры былі адпушчаныя пад падпіску ад нявыездзе.
Супраць Тарасенкі і Драгуна завялі крымінальную справу па артыкуле «махлярства ў асабліва буйным памеры». Ім пагражае да 12 гадоў пазбаўлення волі. Цяпер расследаванне крымінальнай справы, як паведаміў Следчы камітэт, працягваецца, а канчатковая прававая ацэнка дзеянням блогераў будзе дадзена па выніках следства.
Чытайце таксама:
17‑гадовы блогер, які шыкаваў на грошы са збору на хворае дзіця, зноў збіраецца разыгрываць айфоны