Прызналі «экстрэмісцкімі» старонкі Radio Plato

Адпаведнае рашэнне было прынята судом Партызанскага раёна Мінска 19 лістапада. Пад забарону трапілі старонкі радыё ў Telegram, Instagram, «Укантакце», а таксама сайт праекта, паведаміла «Вясна».

У апісанні праекта пазначана, што «Radio Plato — гэта незалежнае інтэрнэт-радыё з Мінска».

«Мы пішам пра мясцовую музычную сцэну, вядзём перадачы і публікуем падкасты. Гэта тое, што мы робім, каб умацаваць супольнасць і папулярызаваць яе ва ўсім свеце».

Акрамя таго, у чарговае папаўленне «Спіса экстрэмісцкіх матэрыялаў» трапілі:

• ютуб-каналы «БЕЛСАТ NOW», «жизнь-малина»;
• старонка ў інстаграме getdonatehelp;
• тэлеграм-канал «Фашик Донецький»;
• тыкток-канал «ЧестнОК LIVE»;
• ютуб-відэа «Сделка Лукашенко с Трампом. Как в Беларуси освобождали и выдворяли политзаключенных» і «Лукашенко торгуется с Трампом. Что задумал диктатор и зачем он нужен США».

Каментары да артыкула