У літоўскім Алітусе метэазонд з кантрабандай прызямліўся на тэрыторыю прыватнага ўчастка
У ноч з пятніцы на суботу ў літоўскім горадзе Алітус на ўчастак аднаго з мясцовых жыхароў упаў метэаралагічны зонд. Прылада зачапілася за дрэва, піша Delfi.lt.
Фота: Alytausgidas.lt
Як расказалі сведкі, спасылаючыся на відэа з камер назірання, праз некаторы час пасля прызямлення да шара пад’ехалі два чалавекі, якія адчапілі ад яго груз, пасля чаго селі ў аўтамабіль і паехалі.
Раніцай гаспадары дома заўважылі зонд і паведамілі пра знаходку ў паліцыю. Паводле неафіцыйнай інфармацыі, палёт шара мог кантралявацца з зямлі — нібыта на ім быў усталяваны адмысловы клапан, які дазваляў прызямліць прыладу ў патрэбным месцы.
Чытайце таксама:
Паветраны шар кантрабандыстаў учора заляцеў у асабліва небяспечную зону Віленскага аэрапорта
AirBaltic мяняе расклад авіярэйсаў у Віленскім аэрапорце, каб пазбегнуць праблем з метэазондамі
У Друскеніках знойдзены метэазонд з 1400 пачкамі кантрабандных цыгарэт
ЗША далі зразумець Лукашэнку, што чакаюць спынення запуску метэазондаў у Літву