Махляры спакусілі беларуску працай у Нарвегіі
Спроба працаўладкавання ў Нарвегіі абярнулася для жыхаркі Пінска стратай грошай. Убачыўшы рэкламную прапанову, яна зацікавілася і неабачліва пачала перапіску ў інтэрнэце.
Здымак ілюстрацыйны. Фота: freepik.com
«Менеджар завода адразу сказаў ёй перайсці да камунікацыі ў месенджары са спецыялістам. Дзяўчыне прапанавалі вялікі выбар вакансій, пры гэтым усе пасады былі высокааплатнымі, бо працаваць прапаноўвалася на вядомым і буйным заводзе ў Нарвегіі», — расказалі ва УУС Брэсцкага аблвыканкама.
Жанчыне нават узгаднілі працу вахтавым метадам, як яна і прасіла, дапамаглі прайсці праверку, запоўніць анкеты, атрымаць дазвол і нават аформіць рахунак у банку. Пры гэтым кандыдатцы дасылалі фіктыўныя дамовы, чэкі і сертыфікаты.
У выніку пінчанка зрабіла некалькі плацяжоў прыкладна на 4 тысяч рублёў, аднак так і не дачакалася абяцанага працаўладкавання. Калі яна зразумела, што яе падманулі, то звярнулася з заявай у міліцыю. Следчыя распачалі крымінальную справу па факце махлярства.
Чытайце таксама:
Жыхарка Жлобіна стварыла фінансавую піраміду ў турфірме
«Чакаю амаль год». Беларус перавёў 980 рублёў не той асобе — і дагэтуль не можа вярнуць
Пенсіянерка шмат гадоў збірала грошы на кватэру, каб пасля ашчаслівіць імі «сяброў па перапісцы»