Пазыкі цяпер будуць выдаваць па-новаму

17 кастрычніка Аляксандр Лукашэнка падпісаў закон «Аб змяненні законаў па пытаннях выдачы пазык».

Здымак ілюстрацыйны

Новы дакумент, як заяўлена, накіраваны на абарону маёмасных правоў грамадзян, якія бяруць або даюць у доўг грошы. Ён уносіць карэктывы ў Грамадзянскі кодэкс, а таксама ў законы «Аб валютным рэгуляванні і валютным кантролі» і «Аб рэкламе».

Асноўныя палажэнні закона:

• Забараняецца выдаваць пазыкі фізічным асобам тым арганізацыям, якія не з’яўляюцца мікрафінансавымі (выключэнне — пазыкі сваім работнікам);
• Забараняецца выкарыстоўваць адзінае жылое памяшканне у якасці закладу па дагаворы пазыкі;
• Нельга даваць пазыкі ў замежнай валюце або ў яе эквіваленце (за выключэннем пазык паміж блізкімі сваякамі);
• Уводзяцца абмежаванні на працэнтныя стаўкі і памер штрафаў, пені і неўстойкі, якія могуць спаганяцца па дамовах пазык.

Закон уступіць у сілу праз шэсць месяцаў пасля яго афіцыйнага апублікавання.

Каментары да артыкула